Letra Viola Tommaso Primo

Viola

Viola perla janca de' Tribunali
uocchie de' diamante Cartier
Viola suonne antico de' criminale
doce comme 'a pasta ‘e bignè.
Scenne pe' Quartieri con le sue "BEST"
fuma tutte ‘e sere MARIA
balla ‘ngoppe 'e tavoli a tutte 'e feste
"Sciore bello d'a terra mia,
sciore bello d'a terra mia"

E comme ‘o pappece e ‘a noce
Je primma o poi m'ha sposo, primma o poi m'ha sposo
E comme ‘o pappece e ‘a noce
Je primma o poi m'ha sposo, primma o poi m'ha sposo

E torna tutte 'e vvote ‘e cinque ‘a matina
dinte a ‘nu tremilacciento coupè
aropp' ‘a ‘nuttata Mojito ‘e ‘vvino
a spese ‘e buffuncielli e lacchè
A cercano ‘e chiattilli p'a da' doje vase
quando tengono genio ‘e parià
ma po' nisciuno ‘e lloro 'a presenta a casa
"Nun sia maje 'o sape mammà!
Nun sia maje ‘o sape mammà…"

E comme ‘o pappece e ‘a noce
Je primma o poi m'ha sposo, primma o poi m'ha sposoE E comme ‘o pappece e ‘a noce

E sagliarranne 'a mare, piovre e piscicane
ricchine fatte d'oro cunchiglie pe' cullana
e diciarranne "Omaggi a vuje oj signurina bella
ca tenite ‘e schiocche rosse comme ‘e ‘cceraselle".
E ballarranno a core a core ‘e boss cu ‘e pentite
e cantarranno po' canzoni e storie ‘e malavita
cu ll'aria ‘e chi nunn'ha saputo maje ‘a malinconia
crisciuto tutt'a vita a ‘ppane ‘e guapparia

Ma Viola 'e chist'ammore nunn'o sapeva
picciò je le vulevo parlà
ma mentre anema e curaggio ‘e scale scennevo
sentette ‘na sirena ‘e sunà.
Alluccano ‘e vajasse dint'o rione
jastemme, sputi e litanie
comm'a ciento sciacalli ‘e televisioni
ripigliavano a Viola mia
cu ‘e manette d'a polizia

E mò so' cchiù 'e tre ‘mmise ca sta' ‘ngalera
pe' meza e chi cumpagno nunn'è
ca le mettette ‘nguollo annascuse e allero
‘rroba ca nguollo nunn'aveva tenè

Nunn'a cerca ‘cchiù nisciuno ‘e figli ‘e papà
picciò se tene stretta ‘o dulore
ca è ‘o metro ‘cchiù sincero pe' valutà
quanto vale overo l'ammore
quanto vale overo l'ammore…

E comme ‘o pappece e ‘a noce
Je primma o poi m'ha sposo, primma o poi m'ha sposo
E comme ‘o pappece e ‘a noce
Je primma o poi m'ha sposo, primma o poi m'ha sposo

E sagliarranne 'a mare, piovre e piscicane
ricchine fatte d'oro cunchiglie pe' cullana
e diciarranne "Omaggi a vuje oj signurina bella
ca tenite ‘e schiocche rosse comme ‘e ‘cceraselle".
E ballarranno a core a core ‘e boss cu ‘e pentite
e cantarranno po' canzoni e storie ‘e malavita
cu ll'aria ‘e chi nunn'ha saputo maje ‘a malinconia
crisciuto tutt'a vita a ‘ppane ‘e guapparia