Letra Riu chiu chiu Fabulous Trobadors

Riu chiu chiu

Riu chiu chiu

Riu chiu chiu
Encara soi d'aqueste monde
Riu chiu chiu
Èri mòrt soi tornat viu
Ma mairastra, pica-pasta
M'a bulhit, rebulhit
Mou compaire, lo lauraire
M'a manjat, rosegat
Ma sorreta, la Lileta
M'a cargat sus la carreta
M'a plorat, sospirat
Jos un calhau m'a enterrat
Tu, mairastra, pica-pasta
Nonmas ne fa nonmas ne gasta
M'a fach manjar a mon paire
I a pas gaire, entre l'araira
Ma sorreta, la paureta
M'a cargat sus la carreta
M'a plorat, sospirat
En terra santa m'a portat
Un e dos e tres e quatre
Lo Jacon me voliá batre
M'a batut, m'a romput
Dins lo canal m'a fotut
Lo pescaire, trabucaire
M'a maucat, manginat
L'engranhòta m'a fach vòta
Lo sèrp-rat m'a devorat
Ma mairina, mamelina
M'a crompat una maquina
M'a menat sus l'ase blau
Per combatre lo babau
La maquina a saumelat
L'ase blau a reguitnat
Lo babau que ten la clau
M'a fait confir dins la sau.
Mon pairin, lo Romaniu
M'a fach beure de bon vin
Sauta, sauta, mon còr sauta
Lo rojor ven a ma gauta
Chuca-bèl, chuca-solelh
Lo fuòc enfuòca mon cervèl
Me fa morir aquel gotèl
Me garís un rai de mèl
Caliban, lo sacamand
M'a fach montar sus l'arcolan
M'a menat duscas al cel
Per ne veire los angèls
La luna a sortit sas banas
M'a traucat la balandrana
Sèt annadas soi tombat
Apèi me soi relevat
A e e i ò o u
Mon amic, le croiriez-tu ?
Qu'ai embarcat a Larrazet
Per un viatge en Internet
Soi me perdut dins los webs
Entre Japon e Maghrebs
Negat dins la cybermar
Visitat ai l'òctòpus bar
U o ò i e e a
La vertat vos vau contar
M'an botat dins un canon
E fuòc e bom badabom
Soi tombat al Senegal
Al mièg d'nu tropèl de gals
M'an tustat a tric e trac
Paure bogre es acabat?
Barrabin-Barraban
Barrabas e Farah Khan
M'an fach tastar de la cana
Rapadura, suc de bana
Qu'ai pres una barrambada
En dançant la barrabanda
En bambanada soi partit
Amè lo Grimaud, vielh bandit
Aqueles babaus son madurs
M'an cremat a Montsegur
M'an fait sentir lo sapin
A la Sant-Barthelemy
M'an volgut eradicar
E Gregòri m'escanar
I E A A E I O
M'an esclut de 1'I.E.O
Remifa sol la si ut
Mikael Jackson, vengut mut
M'a menat dins lo desèrt
M'a monstrat a un espèrt
L'espèrt qu'èra bocardèl
Fait m'a fumar una Camèl
Lo tarpé èra explosiu
Sautat ai dusqu'al Bon Dieu
Zut si la sòlfamire
Jèsus-Crate assassine
De copables, n'avian cent
M'an pres a ieu, paure inocent
Còr de sambuc, sense sing
M'an engabiat a Sing-Sing
A Sing-Sing m'an fach cantar
Très jorns avans de me crebar