Letra Nöher zo mir Bap

Nöher zo mir

Vill zo vill Jedanke, Schädel explodiert.
Övverdosis Bilder, övverinformiert,
Lüje un Tabelle, Horror schwazz op wieß,
Werbespots un Terror, besste nix mieh siehs
Fastfood für Jehirne, Zinksarg steht parat;
ding Illusione sinn en Dracheblood jebaad.

Ölteppich op Nerve, Jewesse em Krüzzfüer.
Em Overkill der Zweifel rotlos, wie narkotisiert.
Du irrs römm wie en Ameis, durch Glas, Beton un Stahl.
Wer he nit drinn affdrieht, ess für mich nit normal.
Wenn Träne rückwärts fleeße, wenn kei Jeföhl mieh stührt,
dann weede mir die Monster, die die Ignoranz jebiert.

Refr.:
Kumm Mädche, rütsch nöher zo mir.
Nemm mir die Angs, dat ich mich en all dämm Wahnsinn verlier.

Weck mich uss dämm Alpdraum, saach mir, wo ich benn.
En all dä Labyrinthe blieht mir nur ding Stemm.
Lieb mich, wenn ich hasse, wärm mich, wenn ich frier.
Et einz'je, wat ich wirklich weiß, ess, wo ich hinjehühr.
Bandagier ming Seel, vun mir uss halt mich für verröck.
Mädche rötsch jet nöher, noch'e Stöck.

Refr.:
Kumm Mädche, rütsch nöher zo mir.
Nemm mir die Angs, dat ich mich en all dämm Wahnsinn verlier.