Letra I 10 comandamenti di napoli Alea

I 10 comandamenti di napoli

I 10 COMANDAMENTI DI NAPOLI

testo: Alea
musica: Vinch
tratto da: Ghetto / I 10 Comandamenti Di Napoli - The 12inch debut single
etichetta: Jet Pilder Records
released: may 2006

Vidile primma e po’ fuietenne primma che può!
Uno, ddoje,
tre,
quatte, cinche, seje, sette,
otto, nove, diece.
Tenimmo ccà ‘e diece cumannamente ‘e Napule
scritte pe chi
nun è ‘e Napule, ma nce vò venì
o se trova a passà...
Pecchè chi è
‘e Napule ‘e tene scritte int’ ‘o di enne a,
s’ ‘e porta appriesso addo’ và và:
Napule è na scola ca te ‘mpare a campà
addò staje staje, comme staje staje, basta ca
vutt’ a arrangià.
E allora ‘o ssaje ch’aggia penzato ‘e ffà?
‘E signà nu paro ‘e fatte pe t’orientà,
comme s’ause ‘e parte ‘e ccà e ch’he ‘a fà
pe nun te fà ffà, comm’ ‘a Biggie c’ ‘o crack.
Nummero uno: Napule ‘e notte fà paura,
zompene nierve, se scatènene bbestie...
pò fernì ca te truove mmiezo a na battaglia:
a chesti parte nun esiste ‘o relax.
Ddoje: chello ca conta è ll’intuizione
‘e sapè sgamà ‘e perzone a volo,
sti guagliune songhe ‘e maste, sulo na guardata
e sanno
si nu portafoglio è chino o vacante.
Tre: è tutt’overo n’è nu bluff:
vanno
facenno sfreggie e danno pacchere a ggente.
T’he abbituà a avè a che ffà c’ ‘a guagliunamme,
ll’he a piglià ‘e pietto si nun vuò mane e piere nfaccia.
Quatte: ‘e riune danno ncuollo ‘e guardie.
Ccà se stà d’ ‘a parte ‘e chi arrobba e ‘e chi spaccia:
si ‘o ffanno forze è pecchè ‘a tènene na raggione,
‘e na manera hann’a campà pure lloro.
‘O
nummero cinche: ccà nun conta ‘a leggia scritta,
nisciuno ricorso sulamente ‘e piezze ‘ruosse.
‘A giustizia nun accetta ‘gnuranza,
accussì d’ ‘a pupulazione scarta ‘e tre quarte.
Sseie: c’ ‘e scippe campene ‘e famiglie intere,
si staje ca machina nu’nce lassà ‘o stereo:
niente ccose in vista e miette pure ‘o blindosterz,
si staje a ppere nun te sparà ‘a posa c’ ‘o rolex.
Pe Sette arricuòrdete pe sempe:
pe sta ccà ce vò n’armatura ‘e ffierro,
t’abbruscia forte fin’a cche nun te fà cchiù niente
pecchè ormaie te si fatto strafuttente.
Otto: chi ‘a sponta è chillo che fotte,
è chillo ch’è ffurbo e tene ‘e canuscenze ghiuste,
ll’ommo politico ca nciarma magagne:
nun tene ‘a faccia ‘e mmerda, ma è ‘a peggia lutamma.
Nove: è ‘o primme pe mmè e p’ ‘e guaglione
ca troppi vote ll’hanna cumbinato brutti storie:
mane ncuollo e male parole e vide si è ccosa !?
‘A notte è meglio a nun ascì maje sola.
‘O nummero diece po’ è chillo che dice che:
vidile primma e po’ fujetenne primma che può!
Napule è ‘o bbene ca cummoglie ‘o mmale,
Napule è ddoce accussì quant’è amara.