Letra Femene Herman Medrano

Femene

Eeehm.. Grassie... Ringraziemo el maestro che me da a possibiità oggi de fare questa audizione a nialtri che semo giovani volenterosi musicisti in erba, gavemo questa grossa possibiità eee.. ringrassiemo el maestro...

Maestro, gavemo a cansòn giusta pa lù, che ne farà fare el suceso quest'estate..
Grazie, grazie dela posibilità...

Femene femene ae 7 xa a messa
Femene femene mexa jornada in piassa
Femene femene in giro pa el marcà
Femene, sì! coa borsa incoconà!
Femene femene copàe dai mistieri
Femene femene in giro a simiteri
Femene femene che svoda spassaura
E ti, 9 ore sora a impalcadura!

E no go capìo, te ciapi na parancoea soa schina!!

[Rit.]
Aiaiai che bel quadreto familiare, aiaiai no me voevo maridare
Aiaiai vivo come imatonìo, so dentro serte robe ma vorìa tornare indrio!!

Aiaiai che bel quadreto familiare, aiaiai chi me o ga fato fare
Aiaiai quanto che so stà goldon, podesse far calcossa torno indrio a baetòn!!

Maestro, nol me convinse, secondo mi sto ritornèo nol funsionarà..

Femene femene in giro pai saldi
Femene femene massaji e cui saldi
Femene femene ciclette e insaeatòn
Femene, lampada, divano e teevisiòn!
Femene femene che xoga tuto al loto
Femene femene panini col coto
Femene femene vaseti de contorni
Par ti, da matina a sera sora i torni!

E no gò capìo! Te ciapi na ciave del venti sui corni!!

[Rit.]

Maestro no riesso capire, par mi chel ritornèo propio nol gira!

Femene femene al sabo a paruchiera
Femene femene truco e giaretiera
Femene femene de sora sol gippon
Femene, lavari e tette in silicòn!
Femene femene in giro col Mercedes
Femene femene come e telenoveles
Femene femene dai mie divertimenti
E ti, mano via e pasaghe i alimenti!!

E no gò capìo! Te ciapi na forma del quarantasinque sul muso!!

[Rit.]x2

Meastro, nol me imbroia. Anca se el ga fato e scoe a Padova ghe xe calcossa che no funsiona. Par mi sto ritornèo no funsionarà.. No quadra, no quadra! Però se el voe, el me chitarista, che el xe braveto, el gavèa trovò un giro stamatina.. Faghe, faghe sentire al Maestro el giro de stamatina...

Eeh.. e lo scusa, e lo scusa maestro ma el gà da avere e man frede. e no so... Comunque ringrassiemo el Maestro pa la audizione.. eeh, nialtri speremo.. come semo ndai Maestro?? ben vero?? me pare ben...