Letra El mondo dei furbi Herman Medrano

El mondo dei furbi

i me ga dito diseducativo, e cativo
ma cuaeo sarisseo el motivo?
Se xe par cueo che vedo o pa come che mea vivo
se pa cueo che scrivo o pa come che tea digo
se sa, tuto ben fin che no te fe le bauco
eo' so, ea' va ben fin che no i ciapa el cuco
se sa, no piase ne' i desfai ne i rosti
ne cuei che vol fare i originai a tuti i costi
ma insieme co i amici dee volte te te mis-ci
e no teo se miga cossa che te ris-ci
far dee monade e no conossar conseguense
e ostinasse a ciamarle esperiense
te vien mal de testa, xente come el paltan
e in pi brusori de pansa e spissa e man
metete ea’ corassa ‘ndando fora stamatina
e no state pi desmentegare casa ea' vaseina

sta tento no sta mai 'ndare massa vanti
che se te fe na capea te paghi pa tuti cuanti
te resti da soeo e no te te capissi pi
ma nissuni te voe pi ben de cueo che te poi voetene ti
meta' de sti cua' xe come armando
i te incuea caminando, i te vien da drio sensa dite cuando
i xe cassi, i xe i stessi che dise: forsa ragassi
e intanto i altri, i altri move i brassi
ferma tuto, cua' calcheduni fa el furbo
gnente par gnente ma no pago pal disturbo
cua' ciapasse dee fregade xe un flash
par cuesto che da desso voio pagamenti cash
no canbio pi idea, co i te sfia el tacuin daea scarsea
come un cussin da na intimea
cavaghe i vestiti e xe ben poco cueo che resta
ma cavate daea testa de cavameo daea testa

me pare che el sia un mondo organiza', taia', fato a posta pa i furbi
cua' i xe bravi onesti i pensa aea fameia e te poi fidate de tuti
ma cua’ i xe anca tuti de corsa parche' bisogna fare tanti, tanti ma tanti schei
cua' anca el pi marso dei peociosi el se conporta come se el fusse agnei

ok posso fermame cua' pa tirare un fia' el fia'
go problemi, ma dime, chi no ne ga?
Stravaca' sol divano fasso pensieri da afgano
pakistano, herman medrano
no ea' vedo cussi' tragica ma gnanca cussi' magica
anca se ea' xe peso de come se sea imagina
serte robe va storte, ma ea' cuestion no xe cuando
ma cuanto e cuante volte
ciaro, l'ultima roda del caro me deprime
no stame pi ciamar se no te ghe gnente da dime
se coi milioni ti te fe el patio e te peschi dal mio
meio che te preghi el to dio
boia can, tira zo chee man dal pan
o ti te te magni tuto come un bruco american
me dispiase un fia' ma teo se come che ea' va
cueo inbalsama', sea ciapa senpre cua'