Letra Du kanns zaubre Bap

Du kanns zaubre

E wieß Blatt Papier, ne Bleisteff,
Jedanke bei dir, setz ich
ahm Finster un hühr, wat sich
avvspillt vüür der Düür, bess ich
avvrötsch en die Zick,
en der et dich für mich nit joov
un mir ming Levve vüürm Daach X
op eimohl vüürkütt wie en Stroof.
Du kanns zaubere,
wie ding Mamm die Kaate läät,
irjendsujet muss et sinn,
jede andre hätt jesaat:
"Et ess zo spät,
dä Typ ess fäädisch - nä
dä Typ,
dä krisste mer wirklich nit mieh hin."
Mem Rögge zur Wand, spaßend
un jede Naach voll woor ich,
ming bessje Verstand hassend,
total vun der Roll woor ich.
T'schlemmste woor, als mir,
wie du mich endlich registrierts,
entsetzlich klarwoot,
dat et jetz oder nie
met uns zwei passiert.
Mensch, woor ich nervös, als ich
dir alles jesaat - hektisch
un trotzdämm erlös, weil du mich
nit treck ussjelaach un dich
für mich intressiert häss,
für all dä Stuss, dä uss mir kohm,
für all dä Laber, dä ich jebraat hann,
weil die Changs zo plötzlich kohm.
Du kanns zaubere,
wie ding Mamm die Kaate läät,
irjendsujet muss et sinn,
jede andre hätt jesaat:
"Et ess zo spät,
dä Typ ess fäädisch - nä
dä Typ,
dä krisste mer wirklich nit mieh hin."
E wieß Blatt Papier, ne Bleisteff,
Jedanke bei dir, setz ich
ahm Finster un hühr en mich,
Kriej' kaum jet notiert, weil ich
immer noch nit raffe,
dat mir uns tatsächlich hann
un mir deshalv halt wießmaache,
dat du wirklich zaubre kanns.