Letra Bim bam bom Canti Popolari

Bim bam bom

Fin da quand al mond l'è né
Al vilàn 'l gh'è semper stè
Al padron per fer d'la grana,
a n'l'ha mai considerè
Lù a l'invida a lavurèr
al racolt per guadagnèr
e quand al vèn per la spartàna
al fa su na gran fumana.
E bim,bam,bum
Te vilàn t'è un gran cojòn
Se al padròn al vol magnèr
Digh ch'al vaga a lavurèr

Al vilàn tos su la sapa,
'l va a sapèr al furmintòun
Al lavora ch'al s'amàsa
Per mantgnìr al so padròun
So mujèra,a la matèina
tos su 'l fer e la va a sghèr
Al padròn,conla so siùra,
l'è int al camp a pasegèr.
E bim,bam,bum?.

Fin chà ven al temp dal fìt:
al padròn l'è lì ch'al rid:
al fa su na mùcia 'd ciacher, 'l tòs su i sold, po' 'l va in teater,
E d'in teater al và in casin
con i sold dal cuntadèin
al fa su na gran cucàgna
e 'l s'imberièga per 'na stmana.

E bim,bam.bum?.

Fin ca vén al témp 'd batér
al vilàn cal fà per cuatér
al padroun taca 'l formént
ca là guarda a càl fà njiént
cuànd a vén l'ora de snär
lù lè al prìmm cà vol magnär
al s'ingoza da stär mäl
e al rùtéza cmè 'nimäl....
E bim,bam,bum?.

Al vilàn tos su 'l scalèt
al va a vidmèr al muscatèl
Al padrùn l'è là a cà sua
Che gh'piasrè fè al pursèl
A gh'pies i pìr,ag'piès i pom
gh'piès la roba gh'ha cal dòn
lù 'l t'ajuta a fèr famja
t'dà 'l cumièt e t'manda via.

E bim,bam,bum?

Vén Nadäl e l'ultme d'l'an
e 'l'vilan spica un salàm
al padròn in cambi al gh'ha dè
Al lunari d'l'an pasè
Al vilàn cun al padròn
i gh'han la vàca mèsa pr'un
ma quand a vèn al dì d'l'urtiga
'l tìn la vàca e gh'dè la bìda

E bim,bam,bum?.